Plantun de Prouvènço

Pèr coumpara dos planto d'encò nostre

Ononis pusilla & Rosa dumalis

Ononis pusilla

Fabaceae Leguminosae

Noms en français : Bugrane naine, Bugrane fluette.

Descripcioun :
L'esbroutouiro-naneto es uno pichoto planto, souvènt aubourado, que trachis dins li relarg secarous. Li flour, jauno, soun en grapo sarrado. Se destrìo de si cousino bonodi si fueio bratealo, de cop, emé un soulet fueioun. Li dòusso, negro un cop maduro, fan de 4 à 10 mm e caupon de 3 à 5 grano berugouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : coumpausado
Tipe bioulougico : Camefite
Cicle bioulougico : Planto renadivo

Gènre : Ononis
Famiho : Fabaceae
Famiho classico : Leguminosae

Ordre : Fabales

Coulour de la flour : Jauno
Petalo : irreguliero
Ø (o loungour) flour : 0,5 à 1,2 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Jun à setèmbre

Liò : Pelouso - Relarg à jóuinis aubret - Tepiero seco
Estànci : Subremediterran à Mountagnard
Couroulougi : Eurimediterrano
Ref. sc. : Ononis pusilla L., 1759

Agufié(-roso)

Rosa dumalis

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier commun.

Descripcioun :
Aquel agufié, Rosa dumalis, trachis dins li relarg mountagnous e roucaious. Douno d'èr à Rosa canina, mai èi bèn mens coumun. Èi mai rabasset, emé de fueio souvènt verdalo e de flour pus acoulourido, roso vivo. La diferènci founso èi de vèire dóu coustat de l'ourifice calicinau qu'èi mai grand (>1/4 de la larjour, vèire la fotò). Aquel agufié-roso, presenta aqui èi Rosa dumalis s.s. (sènso glando sus lou pecou, dènt di fueioun coumpausado e sènso péu souto li fueio).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.